Prefa

Saga PREFA hófst á eftirstríðsárunum í Salzburg. Skemmd þök og brotnir þaksteinar settu svip sinn á borgir Evrópu um miðjan fimmta áratug síðustu aldar. Þá leitaði Alois Gödl að nýjum efnum og leiðum til að búa til endingargott þak. Á verkstæði sínu gerði hann fjölmargar tilraunir með ýmsa málma, meðal annars ál. Að lokum mótaði Gödl þakplötu sem líktist þaksteini og ruddi þannig brautina fyrir nýjungar í þakklæðningum. Nýja varan rataði fljótt á fyrstu þökin og enn má sjá PREFA-þök sem Alois Gödl lagði í Salzburg-héraði.

Þakplatan var upphafið að fjölbreyttu vöruúrvali Prefa í dag. Á sjöunda áratugnum voru fyrstu þakrennurnar framleiddar. Á áttunda áratugnum varð fallegt útlit, auk endingar, aðalsmerki vörumerkisins með svokallaðri „coil coating“-húðun. Þegar þakskífur bættust við á níunda áratugnum og tígullaga plötur á tíunda áratugnum þróaðist þakplatan skref fyrir skref yfir í heildstætt þak- og útveggjaklæðningarkerfi. Í dag eru PREFA-vörur notaðar bæði við byggingu og endurnýjun hefðbundinna einbýlishúsa og við krefjandi aðstæður, svo sem á fjallaskálum, sögulegum byggingum og nýjum arkitektúrverkefnum um allan heim.